 |
| الشاعر عنيز أبوسالم |
برق علي القبله شعر عنيز ابو سالم
عنيز ابو سالم الترباني شاعر سيناء احد اهم شعراء شية جزيره سيناء الذين يتابع شعرهم جمهور كبير و هذه قصيده من القصائد التي ارسلها للحويطات للصلح بينهم حيث كانت لقصائده صدي كبير بين القبائل في مصر و الوطن العربي و سيتم تخصيص باب في موقع صحيفة الباديه اليوم لإرث الشاعر الكبير عنيز ابو سالمبرق علي القبلة تقزله سحــابة
خلته وانا سهران والذيب نايــم
ياراكب اللي مثل قوس الربابــــــة
شـارب لبن ثنتين أمه ورايـــــم
لو طبّعه ركيب خيل عثابــــــه.
لولا الخزم مايقرعنه صــرايـــــم
يازين طقشه عقــب ماطق نابـــــه.
طيــر غرنق وطول الليل حايم
جـوَد معـاليقه وقلل زهــــابـــــه.
ودون الوجوه المفلحة مانت نــايم
وخله علي يمناك زاحول طــابــة
واليتم الايسر هو طريق الغنــايـــم
وبين الحسي والجـرف تلقي ذيابه
شقر السيوف مغربين الوســــايــم
ياما انكفوا ع زود من راس لابـــــه.
وياما افطروا ع راس والسيف صايم
والسيف ماهو سيف لولا نصــــابــه
.السيف جيَد ف ايد ابو حظ قـــايـــم
وتعظم في عين الصغير الذبابــــــه
وتصغر في عين العظيم العظايـــــم
وتقول لأبن جازي ان دارك مهابـــه
وعسرة على خصم قوي العزايـم
وتقول لأبو تايه كفـــانــا صـــلابـــه
. ياما ارتكبنا من الصلابة جـــرايـــم
واسمع قصيــد عنيــز واقرا جــــوابه
انسان ماله في البداوة خصــــايــم
انـا سمعت ان بينكوا زي الطـلابــــة
قصيد عذب وواصل للشـــتايـــم